විස්මිත ගුණ ඇති එඬරු තෙල්

අකලට හිස කේ ගැලවී යාම වර්තමාන සමාජයේ බොහෝ තරුණ තරුණියන් අතර දක්නට ලැබෙන සුලබ ප්‍රශ්නයක්. මෙම තත්ත්වය නිසා බොහෝ පුද්ගලයන් මානසිකව ද කඩා වැටෙන අවස්ථා එමටයි.

අවසානයේ සිදු වන්නේ හිස කේ ගැලවී යාම වළක්වා ගැනීම සඳහා ඕනෑම දෙයක් සිදු කිරීමට ඔවුන් පෙලඹීමයි. මේ නිසා මිල අධික කෘත්‍රිම වෙළෙඳ නිෂ්පාදන භාවිතකර තත්ත්වය තවත් උග්‍ර වීම සිදු වෙනවා. හිස කේ ගැලවී යාම වළක්වා ගැනීම සඳහා ස්වභාවික බෙහෙත් වර්ග තරම් ප්‍රතිඵලදායක වන තවත් දෙයක් මේ ලොව නැතිතරම්.

රූපලාවණ්‍ය ගැන කතා කරන විට කෙස් කලඹ පිළිබඳ ගැටලුවලට අමතරව සමෙහි පවතින වියළිබව, කුරුලෑ ලප කැළැල් ප්‍රධානයි. මෙම ගැටලුවලින් රුව අවලස්සන කරන අතරම මනසට ද ගෙන දෙන්නේ පීඩාවකි. අද අප කියන්න යන්නේ මේ සියලු ගැටලුවලට විසදුමක් ලබාදිය හැකි ස්වාභාවික බෙහෙතක් ගැනයි.

ඔබ එඬරු තෙල් ගැන අසා තිබෙනවා ද? මෙහි ආයුර්වේදීය ගුණය ගැන සියවස් ගණනාවක් දුරට පැතිරි යනවා. මේ තෙල් වර්ගය ටිකක් අප්‍රසන්න ගතියකින් යුතු නිසා බොහෝ දෙනා මෙය භාවිතයෙන් ඉවත්කර තිබුණත් මෙමගින් හිස කෙස් පෝෂණයට සහ වර්ධනයට මෙන්ම සමෙහි පැහැපත් බවට ලබා දෙන උත්තේජනය වෙනත් කිසිදු දෙයකින් ලබා ගැනීමට කිසිවකුට හැකිවන්නේ නැහැ.

දැන් ඔබට පුදුමත් ඇති කොහොමද මේ එඬරු තෙල්වලින් පමණක් මෙතරම් පෝෂණයක් ලැබෙන්නේ කියලා. එඬරු තෙල්වල අඩංගු වෙනවා රයිසොනොලික් අම්ලය නම් පෝෂණීය සංඝටකයක්. මෙම රයිසිනොලික් අම්ලය ප්‍රබල ප්‍රතිබැක්ටීරියාකාරක ගුණයකින් හා ප්‍රතිදිලීරමයකාරක ගුණයකින් යුක්තයි. ඒ වගේම එඬරු තෙල්වල ඔමේගා 9 මේද අම්ල ද යහමින් අඩංගු වෙනවා. ඔමේගා 9 මේද අම්ලය කියන්නේ හිස් කබලේ පෝෂණයට සහ සමට අත්‍යවශ්‍ය දෙයක්. මේ සියල්ල එක් වූ කල එඬරු තෙල් අකලට හිස කේ ගැලවීයාමට වගේම සමෙහි ගැටලුකාරි තත්ත්වයන්ට භාවිත කළ හැකි බලගතුම ප්‍රතිකාරයක් බවට පත්වෙනවා.

හිසකෙස් වර්ධනයට

එඬරු තෙල්වල අඩංගු රයිසිනොලික් අම්ලය නිසා හිසමතුපිට ආම්ලිකතාවය පාලනය කර හිසකෙස් ඇතුළතින්ම පෝෂණය කරයි. එමඟින් හිසකෙස් ගැලවී යාම, කැඩීයාම, කෙස් අග පැළීම වැනි රෝගී ත්ත්වයන් මඟහරවා ඔබට නිරෝගී දිදුලන කෙස් කලඹක් ලබා දෙයි. තවද හිස්හොරි, හිස්කබලෙහි වියළි බව පාලනය කිරීමටත් මෙය කදිම ඖෂධයකි.

තත්ත්වයෙන් උසස් පිරිසුදු එඬරු තෙල් සපයාගෙන, දිනපතා නින්දට යාමට පෙර එඬරු තෙල් බින්දු 2 ක් පමණ අත්ලට ගෙන හිසකේවල ගල්වා හිස් කබලට හොඳින් වදින සේ සම්බාහනය කරන්න. මෙම සත්කාරය නොනවත්වා මාස 3 ක් පමණ සිදු කිරීම වඩා ප්‍රතිඵලදායක වේ.

සම රැලි වැටීම වැළැක්වීමට

එඬරු තෙල් ස්වල්පයක් ගෙන සම මතුපිට තට්ටුවක් මෙන් ආලේප කරන්න. මෙය සමේ සිදුරු අවහිර නොකරන නිසා එමඟින් අහිතකර බලපෑමක් ඇති නොවේ. සම ගැඹුරටම පෝෂණය ලබා දෙන නිසා ලප කැළැල් ද ඉක්මනින් මකා දමනවා. අවශ්‍ය ප්‍රතිඵලය ලබා ගන්න නම් මේ සත්කාරය මාස 5 ක් පමණවත් කළයුතුයි.

වියළි සමට

එඬරු තෙල් සමට හොඳින් උරා ගන්නා නිසා සමෙහි වියලි බව දුරු කර සමට මනා තෙතමනයක් ලබා දෙයි. මෙහි අධික අම්ල අඩංගු නිසා සමෙහි වියළිබව වළකා සමට මෘදු බවක් ගෙන දෙයි මෙමඟින් ඉරී තැලී ගිය සමක් වුණත් ඉක්මනින් යථා තත්ත්වයට පත්කරයි. එමෙන්ම සමෙහි ඇදෙනසුලු බව ද වැඩි කරයි.

ස්ට්‍රෙච් මාර්ක් සඳහා

සම ඇදීමෙන් ඇතිවන කැළැල් මෙමගින් මකා දැමිය හැකියි. විශේෂයෙන්ම ගර්භණී සමයෙන් පසුව ඇතිවන ස්ට්‍රෙච් මාර්ක් සිරුරට ගෙන දෙන්නේ අවලස්සනකි. මේ ස්ට්‍රෙච් මාර්ක් මත එඬරු තෙල් ආලේප කිරීමෙන් සම යථා තත්තවයට පත්කර ගත හැකියි.

පිග්මන්ටේෂන් සඳහා

පිග්මන්ටේෂන් යනුවෙන් හඳුන්වන්නේ සම හිරු එළියට නිරාවරණය වීම නිසා සම මතුපිට ඇතිවන ලප කැළැල්ය. විවිධ ආලේපන වර්ග භාවිත කළත් මේ ලප කැළැල් මකා දැමීම තරමක් අපහසුය. නමුත් එඬරු තෙල් භාවිතයෙන් ඒ ගැටලුවත් ඔබට පහසුවෙන් විසඳා ගැනීමට හැකි වේ.

ඇහි බැම සහ ඇස් පිහාටු වර්ධනයට

ඝන ඇහි බැමත්, දිගු ඇස් පිහාටුත් මුහුණට ගෙන දෙන්නේ අමුතුම අලංකාරයකි. ඒ නිසා ඇතැමුන් ඒ සඳහා කෘත්‍රිම ඇසි පිහාටු ද භාවිත කරනවා. නමුත් එඬරු තෙල් භාවිතයෙන් ඔබට ඝන ඇහි බැමක් සහ දිගු ඇස් පිහාටු ලබා ගත හැකියි. මෙහිදි තෙල් ආලේප කරන විට ඇසට නොයන ලෙස ආලේප කිරීමට වගබලා ගන්න.

කැඩී ගිය නිය වර්ධනයට

එඬරු තෙල්වල අඩංගු පෝෂණය නිය කැඩීයාම වළකා නිය ශක්තිමත් කරයි. එමෙන්ම දිදුළන බවක් ද ගෙන දෙයි. ඔබේ නියමත එඬරු තෙල් ආලේප කිරීමෙන් හෝ එඬරු තෙල් සහිත බඳුනකට නිය ඔබා තැබීමෙන් මේ කියන වාසිය ඔබටත් ලබාගන්න පුළුවන්.

යටිපතුල් පැලීමට

බොහෝ කාන්තාවන් යටි පතුල් පැලීම නිසා පීඩා විඳිනවා. එඬරු තෙල්වලින් සමේ තෙතමනය ආරක්ෂා කරන නිසා මෙය පැළුණු යටි පතුල්වලට ඖෂධයක්. එඬරු තෙල්, පොල්තෙල් ස්වල්පයක් සමඟ මිශ්‍ර කර යටි පතුල්වල ආලේප කරන්න. දිනපතා මෙම සත්කාරය කිරීම ප්‍රතිඵලදායක වේ.

වියළි දෙතොලකට

වියළි දෙතොලකින් මුහුණට අවලස්සනක් ගෙන දෙන අතරම දිදුලන දෙතොලකින් ගෙන දෙන්නේ අලංකාරයකි. වියළි තොල් මත එඬරු තෙල් ස්වල්පයක් ආලේප කර සම්බාහනය කරන්න. එයින් පැහැපත් නාදලුවන් දෙතොලක් ඔබටත් හිමිකර ගත හැකියි.මෙතරම් වාසි රැසක් ලබා දෙන එඬරු තෙල්, ඔබ තවමත් භාවිත නොකරන්නේ මන්ද? ඔබත් මේ විස්මිත ගුණ ඇති එඬරු තෙල් භාවිතකර ලස්සන රූ සපුවකට හිමිකම් කියන්න.

මී තෙල්වල ගුණ

මී ගසේ ඇට භාවිතා කර සිඳින තෙල්වලට ආර්ථිකමය වටිනාකමක් හිමිව තිබෙනවා. එහි ඕලෙයික් අම්ලය, සිට්‍රික් අම්ලය, සහ ලිනොලයික් අම්ලය වැනි අම්ල වර්ග කිහිපයක් අඩංගු යි. මී තෙල්වල ගුණදායක බව නිසා මී තෙල් යොදා සකස් කරන ආහාර වර්ග අනුභව කිරීමෙන් කොලෙස්ටෙරෝල් සහ අර්ෂස් වැනි රෝග තත්ත්වයන් සමනය කළ හැකි බවට මතයක් පවතිනවා.

හෙළ වෙදකමේ දී සහ ආයුර්වේද වෛද්‍ය විද්‍යාවේ දී කරන ඇතැම් ප්‍රතිකාර සඳහා මී ශාකයේ විවිධ කොටස් යොදාගනු ලබනවා. මී ගසේ මල්, කොළ, පොතු, මුල්, ඇට ආදී සියලු කොටස් බෙහෙත් සෑදීම සඳහා භාවිතා කරනවා. මී ඇටවලින් සිඳින මී තෙල් විවිධ කැක්කුම් සමනය කිරීම සඳහා වේදනා නාශකයක් ලෙස යොදාගනු ලබනවා. එසේම මී තෙල් වලින් සාදන ලද බාම් වර්ග අද වන විට වෙළඳපොළේ දක්නට ලැබෙනවා.

එසේම හොඳ ඔසුවක් වන මී ගසේ පොතු කැඩුම් බිඳුම් ප්‍රතිකාර කිරීමට සඳහා යොදාගන්නවා. තව ද හන්දිපත් වේදනාව සමනය කරගැනීම සඳහා මී පොතු කසාය බීම වඩාත් ගුණදායක යි. මී පොතු වියළා ලබාගන්නා කුඩුවලින් එම පානය සකස්කර ගන්නවා. මී ගසේ ඇට මඟින් සකසන පානයන් මඟින් පුරුෂයන්ගේ ශුක්‍රාණුවල දෝෂ නැතිවී යන බව පැවසෙනවා. ආයුර්වේද වෛද්‍ය විද්‍යාවේ සඳහන් වන ආකාරයට මී මල් භාවිතා කර සාදාගන්නා මධු කසාය ස්ත්‍රී ප්‍රජනන පද්ධතියේ යහපත් ක්‍රියාකාරීත්වයට උපකාරී වනවා. ස්නායු ශක්තිමත් කිරීමටත්, බඩ වේලීම වැනි තත්ත්වයන් සමනය කර ගැනීමටත් මී තෙල් හොඳ ඔසුවක්. සමේ ඇතිවන දද, කුෂ්ඨ සුව කිරීමට ද මී තෙල් යොදාගන්නවා. ඊට අමතරව සෙම් රෝග, හිස කැක්කුම් ආදියේ දී යොදාගන්නා නස්න කර්ම සඳහා මී ඇට භාවිතා කරනවා.

ඈත අතීතයේ දී කුප්පි ලාම්පු දැල්වීම නිසා මිනිසුන්ගේ ඇස්වල ඇතිවුණු දැවිල්ල අඩු කිරීමට මී තෙල්වලින් කුප්පි ලාම්පු දල්වනු ලැබුවා. ඉන් ඇස්වලට සහනයක් ලැබුණු බව කියැවෙනවා. ඊට අමතරව සර්පවෙදකම, උගුරේ ආබාධ, වාතරෝග, අතීසාරය, ක්ෂයරෝගය සහ මුත්‍රා ආසාදනයන් සුවපත් කිරීම සදහා මී ගසෙන් ලබාගන්නා කොටස් භාවිතා කළා. 

මිහින්තලේ පුවරු ලිපියට අනුව, විහාර භූමියට අයත් තල, මී ආදී ශාක ඵල හට ගන්නා ශාක ප්‍රධානීන්ගේ අවසරය නොමැතිව කැපිය නොහැකිය. මේ ඉඩම් උකස් කර විකිණීමෙන් ද වැළකිය යුතු බවත්, එසේ කළ හොත් ඔවුන් රටින් නෙරපා හැරිය යුතු බවටත් නියෝග කර තිබේ. හතර වැනි කාශ්‍යප රජතුමා විසින් සෑගිරියෙහි විසූ බුද්ධමිත්‍ර භික්ෂුවට, මී ගස් වත්තක් සහ සියඹලා වත්තක් පූජා කිරීමක් පිළිබඳ බුද්ධන්නේහෙල ස්ථම්භ ලිපියෙන් තොරතුරු හෙළි වේ. තුන්වැනි කාශ්‍යප විසින් මිහින්තලාවට කරනු ලැබූ ඉඩම් ප්‍රදානයක දී, එහි ඇති මී ගස් සහ සියඹලා ගස් නොකපන ලෙසට අණ කර තිබේ. එසේ කැපුවහොත්, ඔවුන්ගෙන් දඩ අය කර ගත යුතු බව එම ශිලා ලිපිය සඳහන් කරයි.

මේ තොරතුරු අනුව පෙනී යන්නේ, මේ ශාකය මායිම්ව පමණක් යොදා නොගත් අතර, විශාල ආර්ථික වටිනාකමක් ද හිමිකර ගත් බවයි. මේ අනුව පරිසරයේ ඉතා වැදගත් අංගයක් වන වන සම්පත ආරක්ෂා කිරීම පිළිබඳ අතීත පාලකයන් තම අවධානය යොමු කළ අතර, ඒ අතරින් මී ගසට ප්‍රධාන තැනක් හිමි වූ බව පෙනී යයි. ඒ නිසා, මී ගස වනාන්තරයක පරිසරාත්මක වටිනාකමකින් මෙන්ම, ආර්ථික වටිනාකමකින් ද යුක්ත වුණි. ගස් කැපීම, නීතිරීති මඟින් පාලනය කිරීමෙන්, ශාක සම්පත සංරක්ෂණය කිරීමට ගත් පියවර ශිලා ලේඛනවල වාර්තාවේ. සීගිරි ගලේ වැඩුණු යම් යම් ගස් කැපීම කිසිවකු විසින් හෝ කළ නොයුතු බවට තහනම් කරමින් පනවන ලද නියෝග, මිහින්තලේ කුලුනු ලිපියෙහි සඳහන් වේ. මෙහි සඳහන් වන වෘක්ෂ අතර, මී ගස් ද සඳහන් වේ. රාජ්‍ය නීතිය මඟින්, වන සම්පත සංරක්ෂණයෙහිලා දක්වන ලද අවධානය මෙයින් සනාථවේ.

විස්මිත ගුණ දෙන තල තෙල් 

තල තෙල් සම, නියපොතු, හිසකෙස්, ශරීරයේ අභ්‍යන්තර පද්ධති සහ සමස්තයක් ලෙස එහි තත්වය කෙරෙහි හිතකර බලපෑමක් ඇති කරයි. තෙල් ඖෂධීය අරමුණු මෙන්ම රෝග නිවාරක කාරකයක් ලෙසද භාවිතා කළ හැකිය.

මිනිස්_සිරුරට_තල_තෙල්වල_වාසි:

ලිග්නින් වල අන්තර්ගතය හේතුවෙන්, පිළිකා වැළැක්වීමේ ක්‍රියාවලියට තෙල් සම්බන්ධ වේ (පිළිකා ඇති විට, පුනරුත්ථාපන ක්‍රියාවලියට පහසුකම් සපයයි);

ශරීරයේ ලිපිඩ පරිවෘත්තීය නියාමනය කිරීම ( බර අඩු කර ගැනීම සඳහා භාවිතා වේ);

ශරීරයේ අභ්‍යන්තර පද්ධතිවල ක්‍රියාකාරිත්වය සාමාන්‍යකරණය කරයි;

ගිනි අවුලුවන ක්රියාවලීන්ට ප්රතිකාර කිරීම (බාහිර හා අභ්යන්තර);

ප්රතිශක්තිකරණ පද්ධතිය ශක්තිමත් කිරීම

ආමාශයික ආම්ලිකතාවය සාමාන්‍යකරණය කිරීම;

හානිකර කොලෙස්ටරෝල් අඩු කිරීම;

ජීර්ණය සහ පරිවෘත්තීය ස්ථායීකරණය;

අස්ථි පටක ශක්තිමත් කිරීම

සමස්තයක් ලෙස පෙනහළු හා ශ්වසන පද්ධතියේ සෞඛ්‍යය සාමාන්‍යකරණය කිරීම

මොළයේ ක්‍රියාකාරිත්වය වැඩි දියුණු කිරීම;

හෘද වාහිනී පද්ධතිය සාමාන්‍යකරණය කිරීම;

රුධිර සංසරණ ක්‍රියාවලිය ස්ථාවරය.

ඔසප් වීමේදී ඇතිවන දැඩි වේදනාව සමඟ කටයුතු කිරීමට උපකාරී වේ;

අධික ලෙස ආහාර ගැනීමේ අවදානම තුරන් කිරීමට උපකාරී වේ (තෙල් ශරීරය පෝෂණය කරන අතර කුසගින්න පිළිබඳ හැඟීම් වේගයෙන් ඉස්මතු වීම වළක්වයි);

හෝමෝන පසුබිම සාමාන්‍යකරණය කිරීම;

වයසට යාමේ ක්‍රියාවලිය මන්දගාමී කරයි;

මධ්යම ස්නායු පද්ධතියට හිතකර බලපෑම්.

තල තෙල් වල කැල්සියම්, මැග්නීසියම්, පොස්පරස්, සින්ක් සහ යකඩ පමණක් නොව ශරීරයට අත්‍යවශ්‍ය වන සමහර ඇමයිනෝ අම්ලද අඩංගු වේ.

එවැනි ද්‍රව්‍යවලට ස්ටියරික්, පැල්මිටික්, ඔලෙයික්, ලිනොලෙයික් සහ වෙනත් අම්ල ඇතුළත් වේ. මෙම තෙල් ස්වාභාවික ප්‍රතිඔක්සිකාරකයක් ලෙස සැලකේ.

තල වලින් ලැබෙන තෙල්වලට ඔමේගා -6 සහ ඔමේගා -9 මේද අම්ල, සංතෘප්ත මේද අම්ල, ප්‍රයෝජනවත් සාර්ව පෝෂක සහ විවිධ කාණ්ඩවල විටමින් ඇතුළත් වේ. සුවිශේෂී ලක්ෂණයක් වන්නේ ලිග්නන් තිබීමයි.

තල තෙල් තරමක් ඉහළ කැලරි සහිත අමුද්‍රව්‍යයකි. 100 ග්රෑම් 899 Kcal අඩංගු වේ. එවැනි ප්රමාණයකින් එය භාවිතා නොවේ. කැලරි ගණන් කිරීමේ ක්‍රියාවලිය පහසු කිරීම සඳහා, ද්‍රව්‍යයේ තේ හැන්දක දළ වශයෙන් 5 g (හෝ 45 Kcal) වන අතර, මේස හැන්දක - 16 g (හෝ 152 Kcal) වනු ඇත.

තල තෙල්වල ශක්ති අගය (ග්‍රෑම් 100 කට):

කාබෝහයිඩ්රේට් - 0.1 ග්රෑම්;

මේද - 99.9 ග්රෑම්;

ප්‍රෝටීන - 0 ග්රෑම්

තල තෙල්වල පෝෂණ අගය:

සංතෘප්ත මේද අම්ල - ග්රෑම් 14.2;

බහු අසංතෘප්ත මේද අම්ල - 42.5 ග්රෑම්

තල තෙල් වෙනත් ඕනෑම අමුද්‍රව්‍යයක් මෙන් නිර්දේශයන්ට අනුකූලව භාවිතා කළ යුතුය. එය අධික ලෙස ආහාරයට හඳුන්වා දීම හෝ බාහිර ක්‍රමයක් භාවිතා කිරීම ශරීරයට හානියක් විය හැකිය.

උදාහරණයක් ලෙස තල තෙල් මෘදු විරේචක බලපෑමක් ඇති අතර පාචනය රිණාත්මක ප්‍රතිවිපාකයක් විය හැකිය. වෙස් මුහුණු සහ ආලේපන අධික ලෙස භාවිතා කිරීම සමේ කෝපයක් හෝ ආසාත්මිකතා ප්‍රතික්‍රියාවක් ඇති කරයි.

අලංකාරය_සඳහා_තල_තෙල්

ස්වාභාවික තල තෙල් සම සහ හිසකෙස් තත්ත්වය වැඩිදියුණු කරන සම්පූර්ණ රූපලාවණ්‍ය පිළියෙල කිරීමක් ලෙස සැලකිය හැකිය.

නව යොවුන් වියේ දී භාවිතා කරන්න

ගර්භනී කාන්තාවන්ට උණුසුම් තල තෙල් සමඟ සම්බාහනය කරනු ලැබේ.

එය පිළිස්සුම් හා තුවාල වලින් මෘදු ලෙස අතුල්ලනු ලැබේ, නැතහොත් බලපෑමට ලක් වූ සමට තෙල් ආලේප කිරීම.

එය සූර්ය ආරක්ෂණ සාධකයක් ඇති බව සනාථ වී ඇත - පාරජම්බුල කිරණ සහිත සියලුම කීම් වල තල තෙල් ඇතුළත් කර ඇත (එය එකම අරමුණක් සඳහා ස්වාධීනව භාවිතා කළ හැකිය).

ගැඹුරු සම ස්ථර වලින් විෂ ඇද ගැනීමට එයට අද්විතීය හැකියාවක් ඇත.

කාන්තාවන්ට_වැදගත්_තල_තෙල්_යනු_කුමක්ද?

නිෂ්පාදනයේ භාවිතය සියලු දෙනාටම වාසිදායක බලපෑමක් ඇති කරයි, නමුත් ඕනෑම වයස් කාණ්ඩයක කාන්තාවන්ට තල තෙල්වල ප්‍රතිලාභ වඩාත් ඵලදායී වේ. පහත සඳහන් අවස්ථා වලදී ජනප්‍රිය වට්ටෝරු භාවිතා කිරීමට වෛද්‍යවරු උපදෙස් දෙති:

ගර්භණී කාලය තුළ විටමින් ඊ හිඟයට වන්දි ගෙවීම.

කලලරූපය නිසි ලෙස වර්ධනය කිරීම සඳහා ගර්භණී සමයේදී.

හොඳ මවි කිරි සඳහා පෝෂණය කරන විට.

මලබද්ධය බඩවැල් මොයිස්චරයිසින් කරන විට, මළ මූත්‍රාවලින් පිරිසිදු වී විරේචකයක් ලෙස ක්‍රියා කරයි.

චිත්තවේගීය හා ශාරීරික අපහසුතාවයන් මඟහරවා ගැනීමට පූර්ව ඔසප් හා පූර්ව දේශගුණික කාල පරිච්ඡේද

මුහුණට_තල_තෙල්

විටමින් A සහ E සමට ඉන්ද්‍රජාලික බලපෑමක් ඇති කරන අතර හිරු ආවරණ ගුණ ඇත.

වියළි සම සහිත මුහුණ සඳහා තල තෙල් සංයුතිය භාවිතා කරන ලෙස රූපලාවණ්‍ය ශිල්පීන්ට උපදෙස් දෙනු ලැබේ.

චර්ම රෝග හා අඩුපාඩු සඳහා හොඳ ප්‍රතිපල ලබා ගත හැකිය:

දද;

සමේ රෝග;

කුරුලෑ;

කැළැල

අක්‍රමිකතා.

මැග්නීසියම් අන්තර්ගතය නිසා තෙල්වල ආතති-විරෝධී ගුණ ද ඇත - උදේ නින්දට පෙර එය භාවිතා කිරීමෙන් මුහුණට “විවේක” පෙනුමක් ලැබෙනු ඇත. එකම හේතුව නිසා, ඇස් සහ මුඛය අසල ඇති මුහුණේ රැළි තුරන් කිරීම සඳහා, වයසට යාමේ දී භාවිතා වේ. ඔබ එය නිතිපතා භාවිතා කරන්නේ නම්, වැඩි දියුණු කිරීම් සතියක් තුළ අන් අයට දැකගත හැකිය.

තල_කෙස්_තෙල්

ඉන්දියාවේ සෑම කාන්තාවකටම පාහේ ගනකම් කොන්ඩ ඇත. එයට හේතුව ඔවුන් කෙස් සඳහා තල තෙල් භාවිතා කිරීමයි. එය හානියක් නොකරයි, ඕනෑම වර්ගයක හිසකෙස් සඳහා සුදුසු වන අතර එය පිරිසිදු ස්වරූපයෙන් හෝ වෙනත් සංරචක සමඟ එකට යොදනු ලැබේ. හිසකෙස් පිළිබඳ ගැටළු තිබේ නම් එය භාවිතා කරයි:

වැටීම;

අස්ථාවරත්වය;

මුල් අළු හිසකෙස්;

හිස්කබලේ දිලීර රෝග.

ඊට අමතරව පාරජම්බුල විකිරණවලට එරෙහිව සටන් කිරීමට සහ වේගවත් කරයි  හිසකෙස් වර්ධනය උත්තේජනය කරයි.

පහසුම වට්ටෝරුව:

ජල ස්නානයට පෙර තෙල් හැන්දක් රත් කරන්න.

මොයිස්චරයිස් කරන ලද හිසකෙස් සඳහා අයදුම් කරන්න.

මිනිත්තු 3-5 ක් තබා ගන්න.

සුදුසු ෂැම්පූ භාවිතයෙන් සෝදා හරින්න.

ළමුන්_සඳහා_තල_තෙල්

නිෂ්පාදිතය වෛද්‍ය විද්‍යාවේ බහුලව භාවිතා වන අතර බොහෝ රෝග වලට සාර්ථකව ප්‍රතිකාර කරයි, නමුත් ළමුන් සඳහා තල තෙල් භාවිතා කළ හැකිද? ජනප්‍රිය ක්‍රම ප්‍රතික්ෂේප නොකරන ළමා රෝග විශේෂ, යින් යෝජනා කරන්නේ බිංදු කිහිපයකින් ආරම්භ කළ යුතු අතර දරුවා වසර 1 ට ළඟා වීමට පෙර නොවේ. එවැනි ළදරුවන් සඳහා දිනකට 3-5 බිංදු ප්රමාණවත්ය. අවුරුදු 3-6 තුළ, මාත්රාව 5-10 බිංදු දක්වා වැඩි වේ. අවුරුදු 10-14 අතර ළමයින් - දිනකට තේ හැන්දක දක්වා.

තල_තෙල්_පතිකාර

විශාල අත්දැකීම් ඇති වෛද්‍යවරු ජනප්‍රිය දැනුම නොසලකා හරිමින් නිර්දේශ නොකරතිතල තෙල් පතිකාර කිරීම සමහර අවස්ථාවල. තල ඇට භාවිතා කරයි:

ඇදුම;

හයිපර් තයිරොයිඩ්වාදය;

පුප්පුසීය රෝග සමන

මව්කිරි දීමේදී;

රක්තහීනතාවය සමඟ;

අභ්යන්තර රුධිර වහනය සමඟ;

තරබාරුකම සමඟ;

වියළි කැස්ස සමඟ;

හුස්ම හිරවීම;

සීතල සමඟ;

දියවැඩියාව සමඟ.

අබ තෙල් වල ගුණ                                                                                                                                                                                                      අබ යනු බුදුන්ගේ සමයෙහි පවා මාතෘකාවට ලක්වූ දීර්ඝ ඉතිහාසයක් ඇති කුළුබඩු වර්ගයකි. සිය කුඩා බිලිදා මියගිය ශෝකය දරාගත නොහැකිව බුදුන්ගේ පිළිසරණ සොයා මානසික ආතතියෙන් තථාගතයාණන් වහන්සේ හමුවට පැමිණි කිසා ගෝතමියට උන්වහන්සේ මෙසේ දේශනා කළහ. එනම් කිසිවකුත් නොමළ ගෙයකින් අබ මිටක් රැගෙන පැමිණියහොත් සිය බිලිදා සුව කළ හැකි බවයි.

'අබ ' වටා වසර දෙදහස් පන්සියයක දීර්ඝ ඉතිහාසයක් පවතින බව එමඟින් ගම්‍ය වේ. එමෙන්ම අතීතයේ පටන්ම අප ලාංකේය සංස්කෘතිය තුළ සෞභාග්‍යයේ සංකේතයක් ලෙස හඳුන්වන ලද 'අබ ' ලද පස් මල්වලින් එක් වර්ගයකි. "විළඳ, අබ, ඊතණ, සුන් සහල්, සමන් කැකුළු ලද පස් මල් වේ. එබැවින් අතීතයේ පටන්ම පිරිත් සජ්ජායනා සඳහා මෙන්ම මංගල පෝරු සඳහාද සෞභාග්‍යයේ සංකේතයක් බව දැනවීමට අබ ඇටද භාවිත කිරීමට ලාංකිකයෝ කටයුතු කළහ.

එවන් සුවිශේෂී වැදගත්කම් රාශියකින් සමන්විත අගනා කුළුබඩුවක් වන අබ අප දේශීය ආයුර්වේද වෛද්‍ය ක්‍රමයේ අගනා ඖෂධ වර්ග නිෂ්පාදනය කරන සුවිශේෂ ඖෂධයක් යැයි පැවැසුවහොත් ඔබ තරමක මවිතයක් පළ කරනු ඇත. සැබැවින්ම අබ යනු අප පාරම්පරික ආයුර්වේද වෙදකමේදී ඖෂධ නිපදවීම සඳහා බහුල ලෙස භාවිත කරන ලද ඖෂධීය ගුණයෙන් සපිරි දෙයකි. මෙම සුවිශේෂ අබ ශාකයේ පවතින ඖෂධීය ගුණය පිළිබඳ කොළඹ විශ්වවිද්‍යාලයට අනුබද්ධව රාජගිරියේ පිහිටා ඇති දේශීය වෛද්‍ය විද්‍යා ආයතනයේ ජේ‍යෂ්ඨ කථිකාචාරිනී එස්.කේ.එම්.කේ. හැරපත්දෙණිය මහත්මිය මෙලෙස 'මව්බිම 'ට සිය අදහස් පළ කළාය.

"අබ කියන්නෙ අපේ ගෘහණියන්ට ඉතාමත් සමීප හුරුපුරුදු කුළුබඩුවක්. අබ ගැන කතා කරද්දී අච්චාරුවලට නැතිවම බැරි දෙයක් තමයි අබ කියන්නේ. ඒ වගේම අබ තෙල් යොදා පිසින ලද ආහාර ඉතාමත් රසයි වගේම ගුණදායකයි. සාමාන්‍ය පොල්තෙල්වලින් පුද්ගල ශරීරයේ මේදය වැඩි කරවලා කොලෙස්ටරෝල් ඇති කළත් අබ තෙල්වල මේදය බහුල බවක් නෑ. අධික ලෙස තරබාරු අයගේ ශරීරයේ මේදය ඉවත් කොට සැහැල්ලු ශරීරයක් ලබා ගැනීමටත් අබ තෙල් මිශ්‍ර කරන ලද ආහාර ගැනීම ඉතා වැදගත්.

ඒ වගේම හමේ විසබීජ නැසීමටත්, හන්දිපත් වේදනා සුව කිරීමටත් ශරීරය පැහැපත් කර දීප්තිමත් සමක් ලබාගැනීමටත් අබ තෙල් සිරුර පුරා ආලේප කිරීමෙන් පුළුවන්. ඉන්දියාවේ බහුතරයක් ජනතාව අබ තෙල් ශරීරයේ ආලේප කරලා සම්බාහනය කරනවා. අඛණ්ඩව මේ ක්‍රියාව සිදු කිරීමෙන් චර්ම රෝග නැති වන බවත් සමේ දීප්තිමත් පැහැපත් බවක් ලැබෙන බවත් සමේ එල්ලා වැටීම් නොවී සම ශක්තිමත් වන බවත් හන්දිපත් වේදනා සුව වන බවත් අපි පර්යේෂණ මට්ටමෙන් පවා තහවුරු කරගත්තා. "

අබ සහ ආයුර්වේදය අතර පවත්නා සමීප සබඳතාව පිළිබඳ හැරපත්දෙණිය මහත්මිය මෙසේ පැවැසුවාය.

අබ කියන්නේ අපේ දේශීය වෛද්‍ය ක්‍රමයට අලුතෙන් එක්වූ ඖෂධයක් නොවෙයි. අපේ දේශීය වෛද්‍ය ක්‍රමවේදය තුළ වසර දහස් ගණනක් ඉපැරැණි අබ ආයුර්වේදය සමඟ සමීප වුණේ ඉපැරැණි සෘෂිවරුන්ගේ කාලයේ සිට. ආයුර්වේදයේ ඉතාමත්ම පැරැණි ග්‍රන්ථ වන චරක සංහිතාව, සුශ්‍රැත සංහිතාව වගේ සංහිතා ග්‍රන්ථවල මේ 'අබ ' ඖෂධය ගැන සඳහන් වෙනවා. චරක සංහිතාවේ සඳහන් වන ආකාරයට කුෂ්ඨ රෝග නැසීමේ ගුණයත් ශීර්ෂය ආශි්‍රත රෝග නැසීමේ ගුණයත් අබ ඖෂධය සතුව පවතිනවා. සංහිතා ග්‍රන්ථවලින් පසුව ලියැවුණු නිඝණ්ඩුවලත් (ග්‍රන්ථ විශේෂයක්) මේ අබ ඖෂධය ගැන සඳහන් වෙනවා. උදාහරණ විදියට ඡන්මන්තර නිගණ්ඩුව, භාවප්‍රකාශ නිගණ්ඩුව වැනි ග්‍රන්ථවල මේ ඖෂධයේ පවතින සුවිශේෂ ඔසු ගුණ සඳහන් වෙනවා.

සංස්කෘත භාෂාවට අනුව අබ "සර්සප " කියන අනුවර්ථ නාමයෙන් හඳුන්වනවා. ඒ වගේම විසබීජ නැසීමේ හැකියාවක් පවතින ඖෂධයක් බැවින් භූතඝ්න යන නමින් සහ කුෂ්ඨ රෝගය සුව කරන ඔසුවක් බැවින් කෘෂ්ඨඝ්න යන නමින්ද අබ හඳුන්වනවා. ඒ වගේම බබළවන්නා යන අදහසින් භාගව රාජිකා කියලත්, සියලු යහපත සලස්වන්නා යන අදහසින් සිද්ධාර්ථ නමිනුත් අබ ඖෂධය හඳුන්වා තිබෙනවා. "

ගෞර සිද්ධාර්ථ (එළ අබ, සුදු අබ) රක්ත සිද්ධාර්ථ (දුඹුරු අබ) රාජිකා (තරමක් විශාල අබ) සහ කෘෂ්ඨ සිද්ධාර්ථ (කළු අබ) නමින් අබ ප්‍රභේද 4ක් පවතී. ඕපචඵඵඪජච බ්චදජඥච නමැති උද්භිද විද්‍යාත්මක නාමයෙන් හැඳින්වෙන අබ ඛ්පචජඪටඥපචජඥ හෙවත් රාජිකා කුලයට අයත් වේ. වියළි කලාපයේ සහ අතරමැදි තෙත් කලාපවල හටගන්නා අබ මීටරයක් තරම් උසින් යුත් කරල්වලින් සමන්විත ශාකයකි. අබ බීජ එම කරල් ඇතුළත තැන්පත්ව පවතින අතර කුඩා මල් පොකුරින් සමන්විත මෙම ශාකයේ අබ ඇට, කොළ, මුල් සහ අබවලින් සකස් කරන ලද අබ තෙල් ඖෂධ පිණිස ගන්නා බවද හැරපත්දෙණිය මහත්මිය පැවැසුවාය.

"අබ ශාකයේ සෑම අංගයකින්ම සකස් කරන ඖෂධවල පොදුවේ ආහාර රුචිය ඇතිකිරීමේ ගුණයත් ආහාර දිරවීම යහපත් කරවීමේ ගුණයත් ශරීරයේ විවිධ වේදනා නැතිකිරීමේ ගුණයත් පවතිනවා. ඒ වගේම ශරීරයේ හටගත් විවිධ සෙම් රෝග සුව කිරීමටත් ශ්වසන පද්ධතිය ආශි්‍රතව හටගත් ආබාධ දුරලීමටත්, දද, කුෂ්ඨ, බිබිලි වගේ චර්ම රෝග සුව කිරීමටත් අබ ආශි්‍රත ඖෂධ ඉතාමත් යෝග්‍යයි.

අබ කියන්නේ උෂ්ණ ගුණයෙන් සහ තීක්ෂණ ගුණයෙන් යුත් ද්‍රව්‍යයක් නිසා අබ ආශි්‍රතව සැකසූ ඖෂධ භාවිත කිරීමේදී වෛද්‍ය උපදෙස් අනුව ප්‍රමාණාත්මකව භාවිත කළ යුතුයි. එසේ ප්‍රමාණයට වඩා අබ ආශි්‍රත ඖෂධ භාවිත කළොත් ඇඟ දැවිල්ල, බඩ දැවිල්ල, මුත්‍ර දැවිල්ල වගේ අතුරු ආබාධ ඇතිවිය හැකියි. එපමණක් නෙවෙයි මේ ඖෂධ සාදන අයුරු භාවිත කරන අයුරු කියන්නට පෙර මෙයත් පැවැසිය යුතුයි. අම්ල පිත්ත හෙවත් ගැස්ට්‍රයිටීස් රෝගයෙන් පෙළෙන අයටත් වකුගඩු රෝගයෙන් පෙළෙන අයටත් අබ ආශි්‍රත ඖෂධ භාවිත කිරීම නුසුදුසුයි.

අබ ආශි්‍රතව යම්කිසි ඖෂධයක් සෑදීමේදී ප්‍රමාණය ඉක්මවා අබ භාවිත කළහොත් ඒ ඖෂධය ශරීරගත වූ පසු වමනය තත්ත්වයක් හටගත හැකි බවටද ජේ‍යෂ්ඨ කථිකාචාරිනිය අනතුරු ඇඟවූවාය. එමෙන්ම ශරීරයේ අභ්‍යන්තරික රෝග සඳහා ප්‍රතිකාර කරන ඖෂධ සෑදීමේදී එළ අබ හෙවත් සුදු අබ භාවිත කරන බවත් ශරීරයේ බාහිරව හටගත් තැළීම්, තුවාල, දද, කුෂ්ඨ, හොරි, හන්දි වේදනා වැනි රෝගවලට කළු අබ ප්‍රභේදය භාවිත කළ යුතු බවත් ජේ‍යෂ්ඨ කථිකාචාරිනිය පැවැසුවාය.

අබ ශාකයේ විවිධ කොටස් උපයෝගි කොටගනිමින් විස්මිත ඖෂධ නිවෙසේ සිටම සාදාගත හැකි ආකාරය පිළිබඳ හැරපත්දෙණිය මහත්මිය පැවැසුවාය. ඒ අනුව අබකොළ උපයෝගි කොටගනිමින් ආහාර අරුචිය සඳහා සුවය සලසන ඖෂධීය ආහාරයක් නිපදවන ආකාරය පිළිබඳ ජේ‍යෂ්ඨ කථිකාචාරිනිය පැවැසුවේ මෙලෙසිනි.

"අද අපේ සමාජයේ වෙසෙන බොහෝදෙනකු නිසි වේලාවට ආහාර නොගැනීම නිසා ආහාර අරුචිය ඇතිවිය හැකියි. එවන් ආහාර අරුචියෙන් පෙළෙන අයට අබ කොළ භාවිත කරලා ආහාර රුචිය වඩවන වටිනා සම්බලක් සාදාගන්න පුළුවන්. අබ කොළ ස්වල්පයක් අරගෙන පොල්, ලුණු මිශ්‍ර කර ගොටුකොළ සම්බලක් සාදාගන්නා ආකාරයට අපිට අබ කොළ සම්බලයක් සාදාගන්න පුළුවන්. ආහාර රුචිය වැඩිවීමට ඒක ඉතාමත්ම ගුණදායක ආහාරයක්. නමුත් මේ අබ ආහාරවල තීක්ෂණ ගුණ අධික නිසා ශරීරයේ තීක්ෂණ බවක් පවතින අය මේ ආහාරය ගන්න එපා. ඒ වගේම තමයි මේ අබ කොළ සම්බල නිතර නිතර ආහාරයට ගැනීමත් යෝග්‍ය නෑ. ඉඳහිට මේ ආහාරය ගන්න. එමඟින් උපරිම ඖෂධීය ගුණයක් ලබන්න පුළුවන් වගේම අතුරු ආබාධවලින් ඔබට මිදී සිටිය හැකියි. "

දේශීය ආයුර්වේදය තුළ අබ ඇට භාවිත කිරීමෙන්ද සුවිශේෂී ඖෂධ නිෂ්පාදනය කරනු ලබයි. නිවෙසේ සිටම අබ ඇට භාවිතයෙන් ඖෂධ නිපදවා ගන්නා ආකාරය ඔබට පැවැසීමට හැරපත්දෙණිය මහත්මිය ඉදිරිපත් වූවාය.

"අබ ඇට අපේ දේශීය වෛද්‍ය ක්‍රමය තුළ ඖෂධ නිපදවීමට බහුල වශයෙන් භාවිත කරනවා. මේ ඖෂධීය බීජවලට භූතඝ්න යන නම භාවිත කරන්නෙත් "විසබීජ නැති කරන්නා " යන අදහස ඇතිවයි. අබ ඇටවල පවතින විසබීජ නාශක ගුණය නිසාම කුඩා දරුවන්ගේ කාමරවල පවතින විසබීජ දුරු කරන්න අබට ඇටවලින් කාමරයට දුම් අල්ලන්න පුළුවන්.

එය සාදාගන්නෙ මෙහෙමයි. අබ ඇට, වරා මුල්, එළ කටරොළු මුල්, වියළි කොහොඹ කොළ ස්වල්පය බැගින් අරගෙන එකට අඹරා එළඟිතෙල් හා මිශ්‍ර කර ඒ මිශ්‍රණයෙන් ස්වල්පය බැගින් ගිනි කබලකට දමා දෛනිකව කුඩා දරුවන් ඉන්න කාමරයට, ආලින්දයට ආදී නිවසේ සෑම තැනකටම ඒ දුම් අල්ලන්න. මේක හොඳ විසබීජ නාශකයක්.

ඒ වගේම තමයි අබ කියන්නේ හොඳ ආහාර රසකාරකයක්. අබ ඇට යම්කිසි ප්‍රමාණයක් කබලෙ බැද කුඩුකර සුළං නොවදින ඇසුරුමකට දමා වෑන්ජනවලට, තෙම්පරාදුවලට ඒ කුඩු ස්වල්පය බැගින් ඉහිනව නම් වෑන්ජන පිළුණු වීම පමා කරගන්න පුළුවන්. ඒ වගේම ආහාරවල සුවිශේෂී රසක් ලබන්නත් මේ ක්‍රමවේදය ඉතාමත්ම යෝග්‍යයයි.

අද ගොඩක් දෙනා පීඩා විඳින සෙම් ආශි්‍රත රෝග සුව කරන්න අබ ඖෂධය භාවිත කරලා විශේෂ 'අබ පැලැස්තරයක් ' සාදාගන්න හැටි මම කියන්නම්. අබ කොටස් එකක් අරගෙන, ඒ හා සමානව මුරුංගා ඇට, අරගෙන ඒවා හොඳින් ‍ෙදාඩම් ඉස්මෙන් අඹරා ගන්න. හොඳින් අඹරාගත් ඒ මිශ්‍රණය රෙදි කැබැල්ලක ආලේප කර ඒ ආලේප කරන ලද රෙදි කැබැල්ලේ අනෙක් පැත්ත පපුව මත අතුරන්න. සෙම් රෝගවලදි වගේම බඩේ අමාරුවලදිත් මේක හොඳ ඖෂධයක්. බෙහෙත් ආලේපිත පැත්ත පපුවෙ ඇතිරුවොත් සම පිච්චෙන්න පුළුවන්. ඒ නිසයි අනෙක් පැත්ත එළිය යුත්තේ. මේ පැලැස්තරේ පපුව මත එළනව නම් සෙම් රෝගවලින් ඉක්මන් සුවයක් ලබන්නත් පුළුවන්. "

ඒ පමණක් නොව කැස්ස, ඇදුම, හිසරදය වැනි රෝගවලදී පපුව මත ඇතිරීමට තවත් සුවිශේෂී පැලැස්තරයක් නිවෙසේ සිටම සාදාගන්නා ආකාරය පිළිබඳ ජේ‍යෂ්ඨ කථිකාචාරිනිය පැවැසුවාය.

"ඇදුම, කැස්ස, හිසරදය වගේ රෝග නැති කරන්නත් අබවලින් පැලැස්තරයක් සාදාගන්න පුළුවන්. ඒ පැලැස්තරයට ආලේප කරන ද්‍රාවණය සාදාගන්නේ මෙහෙමයි. අබ කොටස් එකක් අරගෙන ඒ වගේ තිරිඟු පිටි කොටස් දෙකක් අරගෙන උණුවතුරින් අඹරා රෙදි කැබැල්ලක ආලේප කර අනෙක් පැත්ත පපුවේ අතුරන්න. ඉහත මම සඳහන් කළ රෝග සුවයට ඒ අබ පැලැස්තරය ඉතාමත් ගුණදායකයි. ඒ වගේම තමයි සෙම්ප්‍රතිශ්‍යාවකදී නාසය තද වෙනව නම්, අධික ලෙස සෙම තිබෙනව නම් වියළි අබ ඇට ගිනි කබලට දමා දුම් ආඝ්‍රාණය කරන්න. එහෙමත් නැතිනම් අබ ඇට හොඳින් තම්බා ඒ වතුර වාෂ්පය ආඝ්‍රාණය කරන්න. ඒ වගේ සෙම් ආශි්‍රත රෝගවලට මේ අබ ඔසුවේ හුමාලය, දුමාරය ඉතාමත්ම ගුණදායකයි "

අතීතයේ ගම්වැසියන් සිය නිවෙස්වල පිරිසට ඇස්වහ කටවහ දෝෂ වැලඳීමේ අවදානම දුරු කරවීම පිණිස අබ දුමාරය නිවෙස්වල ඇල්ලූ බව සාධක පවතී. වත්මන වන විටද ඇස්වහ කටවහ දෝෂ දුරු කරවීමේ අරමුණින් වෙළෙඳසල් හිමියන් පවා අබ දුම් අල්ලා උදෑසන වෙළෙ¼දාම් ආරම්භ කිරීමට පුරුදු වී සිටින අයුරු අපි දකින්නෙමු. අතීත මුතුන්මිත්තන් පවා ඇස්වහ කටවහ දුරැලීමට අබ දුම් අල්ලා ඇත්තේ හුදෙක් විසබීජ නාශක ගුණය බලාපොරොත්තුවෙන් බව නවීන විද්‍යාවේ පර්යේෂණ මඟින්ද තහවුරු වී තිබේ.

යථෝක්ත රෝගවලට සේම සන්ධි ආශි්‍රත ආබාධ, තැළීම්, ඉදිමීම් ආදී ශරීරයේ බාහිර වේදනා සඳහාද අබ විස්මිත ඖෂධයක් බව හැරපත්දෙණිය මහත්මිය පැවැසුවාය.

"දෛනිකව රැකියාවල නිරත වන බොහෝ දෙනකු සන්ධි ආශි්‍රත ඉදිමුම් වේදනාවලින් පීඩා විඳිනවා. එවන් රෝගවලටත් ශරීරයේ තැළුම්වලටත් සුවය සලසන ගුණදායී ආලේපයක් අබවලින් සාදාගන්න පුළුවන්. එය සාදාගන්නේ මෙහෙමයි. අබ ඇට, කොහොඹ කොළ, දැත්ත මුල් සමව අරගෙන එළු මුත්‍රයෙන් අඹරා හන්දිපත්වල, සන්ධි ආශි්‍රතව වේදනා, තැළීම් ඇති ස්ථානවල ආලේප කරන්න. එවන් රෝග සඳහා ඒ ඖෂධීය ආලේපව ඉතාමත් ගුණදායකයි "

සිරුරේ බාහිරව හටගන්නා හන්දිපත් වේදනා ආදියට පමණක් නොව දද, කුෂ්ඨ, හොරි වැනි සැරව ගලන තුවාලවලටද අබ සුවතාවක් ගෙන දෙන ඖෂධයකි. එවන් රෝග තත්ත්වයන් සහිත අවස්ථාවලදී එළ අබ හෙවත් සුදු අබ ස්වල්පයක් ගෙන එළකිරෙන් සියුම් වනතුරු අඹරා එම සැරව ගලන තුවාලවල දෛනිකව ආලේප කිරීම මඟින් එම තුවාලවල පවත්නා විසබීජ සැරව ඉවත්වී ඉක්මන් සුවය සලසාගත හැකි බවද ජේ‍යෂ්ඨ කථිකාචාරිනිය පවසන්නීය.

"ඒ වගේම තමයි කුෂ්ඨ රෝගයෙන් පීඩා විඳින රෝගීන්ට ඒවා සුව කරගන්න තවත් ආකාරයක් තිබෙනවා. අබ ටිකක් අරගෙන හොඳින් කොටා ඒ චූර්ණය වතුර බේසමකට දාලා (නාන තටාකයකට වුවද කම් නැත) පැය භාගයක පමණ කාලයක් ඒ තුළට බැහැලා ඉන්න. එහෙමත් නැත්නම් අබ තැම්බූ වතුර බේසමකට දාලා පැය භාගයක් පමණ ඒ තැම්බුම් වතුරේ බැහැලා ඉන්න. දින දෙකකට වරක්වත් මේ ක්‍රමය කළොත් කුෂ්ඨ රෝගයෙන් ඔබට තවදුරටත් පීඩා විඳින්න සිදුවන්නේ නෑ. කුෂ්ඨ රෝගය ඉක්මනින් සුව වේවි. කුෂ්ඨ රෝගවලටම පමණක් නෙමෙයි කොන්දෙ අමාරුව රෝගයෙන් පෙළෙන පුද්ගලයන්ටත් ඒ රෝගය සුව කරගන්න මෙම ක්‍රමවේදය සුදුසුයි කියලා පර්යේෂණ මට්ටමින් තහවුරු වුණා.

ඇඟපත වෙහෙස වෙලා දෛනිකව කුලී රැකියාවල නිරත වන පුද්ගලයන්ටත්, නිවෙසේ වැඩකටයුතුවල නිරත වන ගෘහණියන්ටත් පොදුවේ මුහුණපාන්නට සිදුවන ගැටලුවක් තමයි උරහිස් දෙපස වේදනාව. එවන් උරහිස් හන්දි ආශි්‍රත වේදනාවකදී අබ ඇට, කරඳ ඇට සමව අරගෙන ගව මුත්‍රාවලින් අඹරා ඒ වේදනා සහිත හන්දිපත් උරහිස්වල ආලේප කරන්න. මේ සුවිශේෂී ඖෂධය පිළිබඳ අපේ ඉපැරැණි වෛද්‍ය ග්‍රන්ථවලත් සඳහන් වෙනවා.

ඒ වගේම නිවේදකයන්, කලාකරුවන්, ගුරුවරුන්, විවිධ වෙළෙ¼දාම් කරන පුද්ගලයන් මුහුණ දෙන ආබාධයක් තමයි උගුරේ අමාරුව. උගුර බැරැණ්ඩි ගතිය, සෙම් ගතිය දුරු කරන්න පුළුවන් ඖෂධීය ආහාරයක් ඔබට නිවෙසේ සිටම සාදාගන්නත් පුළුවන්. අබ ස්වල්පයක් කබලෙ බැද ගන්න. ඉන්පස්සෙ පොල් කැබැලි කිහිපයකුත් ගිනි අඟුරේ පුච්චාගෙන එයට ගම්මිරිස් කුඩු, ලුණු කුඩු ස්වල්පයක් මිශ්‍ර කර ඒ සියල්ලම හොඳින් කොටාගෙන පොල් සම්බලයක් සාදා ඒ මිශ්‍රණයත් සම්බලට මිශ්‍ර කර බත් සමඟ ආහාරයට ගන්න. මෙය මම පෙර සඳහන් කළ රෝගවලට ගුණ දෙන ඖෂධයක් වගේම රසවත් ආහාරයක් "

අබ කොළ, අබ ඇට පමණක් නොව අබ තෙල්ද අප දේශීය ආයුර්වේදයේ රෝග රැසකට ගුණ සලසන සුවිශේෂී ඖෂධීය තෛලයකි. වේදනා නාශක ද්‍රව්‍යයක්ද වන අබ තෙල් ආශි්‍රතව ආහාර පිස ගැනීමද ශරීරයට ඉතාමත් හිතකරය. එමඟින් වෙනත් තෙල් භාවිත කිරීමේදී මෙන් කොලෙස්ටරෝල් තත්ත්වයක් හට නොගනී. සෙම්ප්‍රතිශ්‍යාව, කනේ කැක්කුම් වැනි ආසාදනවලදී අබ තෙල් හා ඉඟුරු ඉස්ම මිශ්‍ර කර බාහිරින් ආලේප කිරීම මඟින් (කන දෙපස හා උගුරේ) එම රෝගී තත්ත්වයන් පහව යන බවද ජේ‍යෂ්ඨ කථිකාචාරිනිය පැවැසුවාය.

"ඒ විතරක් නෙමෙයි අබ තෙල් භාවිත කරලා සම දීප්තිමත් වගේම පැහැපත් කරගන්නත් ඔබට පුළුවන්. ඉන්දියාවේ බහුතරයක් දෙනා අබ තෙල් ශරීරයේ ආලේප කර සම්බාහනය කිරීමේ නිරත වෙනවා. එහි ප්‍රතිඵලත් ඔවුන් අත්විඳිනවා. ඔබට දීප්තිමත්, පැහැපත් සමක් අවශ්‍ය නම් අබ, වදකහ, ලොත් සුඹුළු, සහිඳ ලුණු සමාන ප්‍රමාණය බැගින් අරගෙන වෙන් වෙන්ව අඹරා නැවැතත් එකට මිශ්‍ර කර උණු දියෙන් අඹරා ගාන්න. සියුම්ව අඹරා ගත් ඒ මිශ්‍රණය ස්වල්පය බැගින් මුහුණේ අත් පාවල ආලේප කිරීමෙන් මුහුණේ කුරුලෑ ලප කැළැල් නැති වෙනවා වගේම දීප්තිමත්, පැහැපත් සමක් ලබන්නත් ඔබට හැකියාව පවතිනවා.

ඒ වගේම තමයි ඔබ අබ තෙල් හිසේ ආලේප කරන්න පුරුදු වෙනවා නම් ඔබට කරදරයක්ව පවතින උකුණො, ලේ¾ඩි, ඉස්හොරි කරදරෙන් මිදී ඔබට කාලවර්ණ කෙස් කලඹක් ලබාගන්නත් පුළුවන් "

යමෙකුට ආහාර විසක් වූයේ නම් වෙනත් ආකාරයකින් විසක් ශරීර ගත වූයේ නම් අබ කුඩු ස්වල්පයක් රැගෙන එයට සහිඳ ලුණු ස්වල්පයක් මිශ්‍ර කර උණුවතුරට දමා පානය කරවීම තුළින් විස ශරීරගත වූ පුද්ගලයාගේ එම විස වමනය කරවිය හැකි බවද හැරපත්දෙණිය මහත්මිය අවසානයේදී අපට පැවැසුවාය.

සත්තකින්ම මුළුතැන්ගේ කුළුබඩුවක් ලෙස අප මෙතෙක් හඳුනාගෙන සිටි 'අබ ' අප දේශීය වෛද්‍ය ක්‍රමවේදය තුළ ඉමහත් පෙරළියක් සිදු කළ සුවිශේෂී ඖෂධයක් බව ඔබට දැන් හොඳින් වැටහෙන්නේද?

කොහොඹ ශාකයේ ගුණ

කොහොඹ ගස ශ්‍රී ලංකාව , ඉන්දියාව , පාකිස්තානය , තායිලන්තය , මැලේසියාව සහ ඉන්දුනීසියාව ඇතුළු දකුණු ආසියාතික රටවල් වලට ආවේණික වූ ශාකයක්. කෙසේවෙතත් කොහොඹ ශාකයේ මව්බිම ලෙස සැලකෙන්නේ ඉන්දියාවයි. වර්තමානය වන විට කොහොඹ ගස බොහෝ රටවල් වල දක්නට ලැබෙනවා. කොහොඹ ගසේ උද්භිද විද්‍යාත්මක නාමය තමයි AZADIRACHTA INDICA. සිංහලෙන් කොහොඹ , දෙමළෙන් VEPPAI සහ ඉංග්‍රීසියෙන් MARGOSA, NEEM TREE යනුවෙන් හඳුන්වනවා. කොහොඹ කියන්නේ ඉතාමත් වේගයෙන් වැඩෙන ගසක්. සාමාන්‍යයෙන් මීටර් 15 - 20 තරම් උසට වැඩෙනවා. මීටර් 40 දක්වා උස්වූ කොහොඹ ගස්ද දක්නට ලැබෙනවා. සාමාන්‍යයෙන් හොඳින් වැඩුණු කොහොඹ ගසක බඳ කොටසේ වට ප්‍රමාණය මීටර් 15 - 20 පමණ වෙනවා.

කොහොඹ කොළය දිගින් සෙන්ටිමීටර් 20 - 40 පමණ වෙනවා. කොහොඹ කොළ අධික තිත්ත රසයෙන් යුක්තයි. කොහොඹ කොළ අවුරුද්ද පුරාවටම දැකිය හැකියි. කොහොඹ ශාකය මහෝගනී පවුලට අයත් වෙනවා. රටවල් තිහකට අධික සංඛ්‍යාවක් කොහොඹ ශාකය බෙහෙත් නිෂ්පාදනයට සහ රූපලාවණ්‍ය නිෂ්පාදනයන් සඳහා භාවිතා කරනවා. මුල්, පොත්ත , පලතුරු , මල් , බීජ සහ කොළ ඇතුළුව ගසේ සියලුම කොටස් ප්‍රයෝජනයට ගැනෙනවා.

කොහොඹ ගසේ කුඩා මීපැණි සුවඳින් යුත් සුදුපාට මල් හටගන්නවා. මල් කිනිත්තක් සාමාන්‍යයෙන් 30cm පමණ දිගු වන අතර එහි තනි තනිව මල් 150 - 200ක් පමණ හටගන්නවා. මල් පෙත්තක විශ්කම්භය 1cm වෙනවා. එවැනි පෙති පහකින් එක් මලක් සෑදෙනවා. මල් මී මැස්සන් සහ අනෙකුත් කෘමීන් විසින් පරාගනය කරනවා. අවුරුදු 2 - 5 ක් පමණ වන විට ගෙඩි නිෂ්පාදනය ආරම්භ කරනවා. අවුරුදු 10 - 15 පමණ වයස් වූ ගසක හොඳ ගෙඩි නිෂ්පාදනයක් දක්නට ලැබෙනවා. සාමාන්‍යයෙන් මෙම බීජයක් 1 -2 cm දිගු වෙනවා. මෙය ඒක බීජ ගණයට අයත් වෙනවා. ඉදුන විට කොළ පැහැති ගෙඩිය කහ පැහැයට හැරෙනවා. හොඳින් වැඩුණු කොහොඹ ශාකයක් වසරකට බීජ 50,000 – 200,000 පමණ නිෂ්පාදනය කරනවා. මෙම බීජ වැටී මව් ශාකය වටා කුඩා පැළ හට ගන්නවා. ඊට අමතරව කුරුල්ලන් හා සතුන් මගින් ද මෙම බීජ ව්‍යාප්ත වෙනවා.

මුල් ප්‍රයෝජනවත් වන ආකාරය:

පාංශු ඛාදනය වැළැක්වීම සහ පාංශු සංරක්ෂණය හා වැඩිදියුණු කිරීම සඳහා කොහොඹ ශාකයේ මුල් ප්‍රයෝජනවත් වෙනවා. තවද පසේ සාරවත් භාවය හා ජල ධාරිතාවය වැඩි දියුණු කරන අතර ආම්ලික පස් උදාසීන කරණය කළ හැකිද වෙනවා. මේ නිසා පහත් බිම්වල වැඩි වශයෙන් කොහොඹ ශාකය වගා කෙරෙනවා.

කදෙහි ඇති ප්‍රයෝජන:

කොහොඹ ලීය දිලීර හා කෘමීන්ගේ ආක්‍රමණ වලට ගොදුරු නොවන නිසා කල්පවත්නා ගෘහභාණ්ඩ සහ බෝට්ටු නිෂ්පාදනය කිරීම සඳහා යොදා ගන්නවා. කෘෂිකාර්මික උපකරණ, බෙර හා කැටයම් රූප නිපදවීම සඳහාද භාවිතා කෙරෙනවා. මෙම ලීය හොඳින් ඔප දමා ගත් විට මහෝගනී ලියට සමානකම් දක්වනවා.

මෙහි අනෙකුත් පළතුරු, මල්, බීජ සහ කොළ සියල්ල ආයුර්වේද කටයුතු සහ රූපලාවන්‍ය කටයුතු සඳහා යොදා ගැනෙනවා. ආයුර්වේදයේ කොහොඹ ශාකය හඳුන්වන්නේ “සර්ව රෝග නිවාරණී” යනුවෙන්. මුල්, පොතු , පලතුරු , මල් , බීජ සහ කොළ සියල්ල ආයුර්වේදයේදී අභ්‍යන්තර ප්‍රතිකාර සඳහා සහ ආලේප කිරීම සඳහා උපයෝගී කර ගන්නවා.

කොහොඹ වල ඖෂධීය වටිනාකම:

• බැක්ටීරියා නාශක හැකියාව කොහොඹ සතුව පවතිනවා.

• ඇඳුම රෝගය සුව කරනවා

• වකුගඩු වලට ප්‍රතිකාර කිරීමට යොදා ගන්නවා

• දියවැඩියාව පාලනය කරනවා.

• මුඛ සෞඛ්‍ය වර්ධනය කිරීමට උපකාරී වෙනවා.

• ලාදුරු රෝගය සුව කිරීමට ද උපකාරී වෙනවා.

• රුධිර සංසරණය වැඩි කරනවා.

• මැලේරියා රෝගයට ප්‍රතිකාර කිරීමට භාවිතා කරනවා.

• කෘමි උවදුර පාලනය කිරීමට යොදා ගන්නවා.

• බඩේ අමාරු සඳහා ප්‍රතිකාර කිරීමට යොදා ගන්නවා.

• ස්වසන ආබාධ ඇති අයට ප්‍රයෝජනවත් වනවා.

• පණු අමාරුවට කුඩා ළමුන්ට ලබා දෙනවා

• උකුණන් නැති කිරීමට යොදා ගන්නවා.

• සමේ රෝග වලට ඉතාමත් සුදුසුයි.

• හෘදයාබාධ පාලනය කරනවා.

• උපත් පාලනය කිරීමේ හැකියාවද තිබෙනවා.

• ආතරයිටිස් වලට ප්‍රතිකාර කිරීමේ දී යොදා ගන්නවා.

• පිළිකා මර්දකයක් ලෙසද කටයුතු කරනවා.

රූපලාවන්‍යයේදී කොහොඹ වල වැදගත්කම

කුරුලෑ සඳහා ප්‍රතිකාර කිරීමට යොදා ගනී

කොහොඹ කොළ ටිකක් ගෙන වතුරට දමා වතුර පාට වනතුරු තම්බන්න. මෙය බෝතලයකට දමා වසා තබන්න. සාමාන්‍යයෙන් ඔබ මුහුණ සෝදන අවස්ථාවේදී මින් ටිකක් එම ජලයට එකතු කරන්න. කොහොඹ කොළ අඹරා face pack එකක් සාදා එය ආලේප කිරීමෙන් කුරුලෑ නැති කර ගත හැකි වෙනවා.

ටෝනර් එකක් ලෙස කොහොඹ කොළ

කොහොඹ කොළ තම්බා සාදාගත් ජලය පුළුන් කැබැල්ලක තවරා මුහුණේ ආලේප කරන්න. මෙමගින් කුරුලෑ, සහ කළු ලප ඉවත් වෙනවා.

කොහොඹ කොළ තම්බා ගත් ජලය ඔළුවේ ගෑමෙන් හිස්හොරි ඉවත් වෙනවා. හිසකෙස් ගැලවී යාම ද තරමක් දුරට අඩු කෙරෙනවා.

කොහොඹ කොළ ටිකක් දොඩම් ලෙලි සමග තම්බා ගන්න. එයට යෝගට්, මී පැණි සහ කිරි යොදා ගනිමින් පැක් එකක් ආකාරයට සාදා ගන්න. මෙය මුහුණේ ආලේප කර වියළෙන තෙක් තබා සෝදා හරින්න. මුහුණට පැහැයක් ලැබෙනවා.

හිසකෙස් සහ හිස් කබලේ ප්‍රශ්න සඳහා

හිස කෙස් ෂැම්පු කිරීමෙන් පසු කොහොඹ කොළ තම්බාගත් වතුරෙන් හිස සෝදා හරින්න. වියලි හිස්කබලට මෙන්ම හිස්සොරි සඳහා ද හිසකෙස් වැටීම පාලනය කිරීම සඳහා ද මෙය උපකාරි වෙනවා.

පිළිස්සුම් තුවාල සඳහා

පිළිස්සුම් තුවාල ඇතිවූ ස්ථානය කොහොඹ වතුරින් සෝදන්න. ඒ අවට ඇති සම ඉක්මනින් යථා තත්වයට පත්වීමට මෙමගින් හැකියාව ලැබෙනවා. විසබීජ නාශකයක් ලෙසද ක්‍රියා කරනවා.

පැපොල සෑදුන විට දී

පැපොල සෑදුන අවස්ථාවලදී කොහොඹ කොළ අතුරා ඒ මත නිදාගන්න සලස්වනවා. තවද කොහොඹ කොළ තැම්බූ වතුරෙන් ස්නානය කරනවා.

ඇස් සේදීම සඳහා

කොහොඹ කොළ මිනිත්තු 10ක් පමණ තම්බා ගන්න. සම්පූර්ණයෙන්ම නිවුණ පසු එම ජලයෙන් ඇස් සෝදා හරින්න. ඇස් කසන අවස්ථාවන්වලදී මෙය භාවිතා කළ හැකිය.

සෙම්ගෙඩි සෑදුන අවස්ථාවලදී

කොහොඹ කොළ තැම්බූ වතුරින් උගුර සෝදන්න.

දෙපයට සුවයක් සඳහා

කොහොඹ කොළ තම්බාගත් මද උණුසුම් ජලයේ දෙපා විනාඩි විස්සක් පමණ තබාගෙන සිටින්න.